D i v e E x p l o r e r

SS INGER BENEDIKTE (KOLASKIPIÐ)

Inger Benedikte var norskt gufuskip sem íslenskur togari „Skallagrímur“ lenti í árektri við árið 1924. Áreksturinn varð til þess að Inger sökk á Ytri höfn Reykjavíkur.

Árið 1927 unnu kafarar að því að ná upp kolum sem voru í skipinu. Notast var við dínamít við að sprengja upp flakið svo auðveldara var að komast að kolunum. Svo gerist sá hörmulegi atburður að það verður ótímabær sprenging sem verður til þess að þrír menn dóu. (DiveExplorer 2019-5-9)

Inger Benedikte

Prammi sem sökk í siglingaleið á ytrihöfn Reykjavíkurhafnar eftir árekstur við íslenskan togara. Lítið eftir af honum, en hægt að sjá stálplötur og bita á botninum.

Þann 10. júlí árið 1927 var brugðið á það ráð að fá Þórð Stefánsson kafara til þess að sprengja flakið til að skipaumferð stafaði ekki hætta af því.

Allmargir menn voru að vinna við að sprengja flakið. Þórður kom sprengiefninu fyrir í hvert sinn, en fór upp að því loknu upp á kafarabátinn. Vír lá frá sprengiefninu í bátinn, og þegar hann var kominn hæfilega langt í burtu var sprengt með rafstraum. Í þetta sinn hafði sprengingin mistekist. Var þá sótt lítið eitt af dýnamiti og ætlaði Þórður niður með það. En rétt í því að hann var að ljúka við að búa sig, sprungu dýnamítspatrónurnar sem í bátnum voru án nokkurrrar sjáanlegrar ástæðu. Þrír menn fórust við sprenginguna en Þórður slapp ómeiddur.

Inger Benedicte liggur á um 15 metra dýpi á leirbotni rétt undan Örfirisey í Reykjavík. Prammin er úr stáli. Ekki mikið eftir af prammanum en þó má sjá stálplötur og bita sem liggja á botninum. Erfitt er að gera sér grein fyrir því hvernig pramminn hefur litið út í upphafi en hann virðist vera u.þ.b. 40 m. langur og 6-7 m breiður. (Heimild; kofun.is)

Diveexplorer / 29.07.2024

29. júlí 2024 var farin stutt ferð með neðansjávarkafbát (e. ROV) til að athuga hvernig flakið af Inger Benedicte lítur út. Veður og sjólag var með ágætasta móti, en skyggni í sjónum frekar dapurt.

Sjá má á þessu neðansjávarmyndbandi að flakið af Inger Benedicte er mikið dreyft, brak og bútar á víð og dreif. Eins og við mætti búast eftir að hafa verið ítrekað sprengt.

Þrátt fyrir brakið og stálbútana sem liggja víða og óreglulega þá veitir flakið skjól fyrir fiska og önnur sjávardýr.

Upplýsingar um ROV köfun

Hámarksdýpi 16 metrar, hitastig sjávar á botni +11°c, skyggni <1m, Botngerð leir, neðansjávar straumar nokkur, mikið svif í sjónum. Köfunartími 32 mín.

Frétt úr Tímaritinu ÆGIR

Hinn 29. desember s. 1. sigldi togarinn »SkalIagrímur« á stórt gufuskip »Inger Benedicte«, sem lá á ylri höfninni, hlaðið kolum. Sökk »Inger Benedicte« að vörmu spori en skipshöfnin komst upp í togarann. Hafnarstjóri gerði þegar ráðstafanir til að merkja staðinn, þar sem skipið liggur á botni. Sjóréttur var þegar haldinn út af slysinu. Skipstjóri »Skallagríms«, Guðmundur Jónsson, var í landi um jólin en hafði fengið í sinn stað, skipstjóra Guðmund Sigurjónsson til að vera með skipið þessa ferð og var hann skipstjórinn er áreksturinn varð.

Þeir sem fórust í þessu slysi

Árni Lýðsson, verkstjóri

Benedikt Sveinsson, verkamaður

Bjarni Ólafsson

GPS staðsetning:

64 09.718 N – 021 55.878 V

Heimildir:

• kofun.is
• http://timarit.is/view_page_init.jsp?pageId=1130705
• http://timarit.is/view_page_init.jsp?issId=256
• https://www.wrecksite.eu/wreck.aspx?194884

Aðrar heimildir:

• Built by Sunderland SB Co. Ltd., Sunderland (#119); 1946 grt, 1207 nrt, 2800 dwt. 232.1 x 37.1 x 20.1; 2-cyl. compound engine (NE Mar. Eng. Co. Ltd., Sunderland), 203 nhp On December 29th, 1924, the Norwegian cargo ship SS INGER BENEDICTE, owned at the time of her loss by Jacob Kjøde A/S, Bergen, was on a voyage from Grimsby to Reykjavik with coal, when she sank after a collision with an Icelandic trawler.
• Read more at wrecksite: https://www.wrecksite.eu/wreck.aspx?194884